Notícias de Bar Liceum

REGGAE TOUR BENJAMMIN E ZAMARAMANDI NO LICEUM

Achégase, de novo a Galiza, Benjammin, un dos vocalistas máis significativos da escena roots e ragga europea. Benjammin, despois da súa exitosa participación no Minho Reggae Splash a finais deste verán en Vila Nova de Cerveira, unido o bo aconxego que o público miñoto ten deste gran artista, Minho Reggae presenta o Reggae Tour, no que Benjammin será respaldao pola banda local Zamaramandi.Sen dúbida vamos presenciar un espectáculo de reggae único en Galicia no que Zamaramandi Backing Band interpretará temas xa coñecidos de Benjammin e temas clásicos da historia do reggae.MC, saxofonista, frautista, Benjammin leva máis de vinte anos vinculado á música reggae sendo na actualidade unha das voces máis significativas deste estilo. A finais dos anos oitenta comezou a súa carreira cantando e exercendo de MC cos soundsystemas de Reggae de Brighton, cidade na que creceu. Durante a década dos noventa este londiniense centraríase na súa voz desenvolvendo unha gran versatilidade vocal, ademais de tocar o saxo e a frauta achegándose a sons máis funkis e souls. Nas últimas décadas Benjammin compartiu estudio e escenario con artistas reggae de renome internacional como Horace Andy, Burning Spear, Heptones ou Max Romeo, publicando no ano 2007 o seu primeiro disco integro, Rise Up!, presentado en paises coma o Reino Unido, Alemaña, Francia, Suíza, Holanda ou Italia. Nesta primeira semana de decembro, Benjammin achégase a Galiza para mostrar a forza do seu reggae roots e dance hall xunto ca banda de reggae local emerxente no país, Zamaramandi, que serán os encargados de interpretar os temas deste grande artista da escena reggae europea. Zamaramandi é o nome do reggae na Galiza. Zamaramandi leva xa tres anos rodando por festivais e salas, amosándonos o reggae roots feito na terra. Despois de diferentes premios a nivel nacional como banda emerxente, Zamaramandi consolídase como importante agrupación musical, pasando a ser un referente no reggae da Galiza, cunha aposta musical de alta calidade e un son propio.

www.myspace.com/benjamminreggae
www.myspace.com/zamaramandi
www.myspace.com/xoaking
www.myspace.com/sauko
http://www.foundationreggaefestival.org/
http://www.reggaliza.es/